என் இதயம் பேசுகிறது

தொந்தியினால் ஏற்படும் பயன்கள்

2009-06-20T13:02:00.003+05:30

தொந்தியினால் ஏற்படும் பயன்கள்:

1. கீழே குப்புற விழுந்தால் முகத்தில் அடிபட்டு மூக்கு உடையாமல் நம்மை காப்பாற்றுகிறது.

2. சமுதாயத்தில் ஒரு மரியாதையை ஏற்படுத்துகிறது. உதாரணமாக பெரிய பெரிய தொந்திகளை கொண்ட போலீசாரை கண்டால் நமக்கு மரியாதை கலந்த பயம் ஏற்படும்.

3. சிறந்த பொழுதுபோக்கு சாதனமாக பயன்படுகிறது. உதாரணமாக வேலையில்லாமல் சும்மா அமர்ந்திருக்கும் சமயத்தில் தொந்தியை மெதுவாக வருடிக்கொடுத்துக் கொண்டிருந்தால் நேரம் போவதே தெரியாது.

4. மல்லாக்க படுத்து இருந்தால் குழந்தைகள் சறுக்கு விளையாட்டு விளையாட மிகவும் பயன்படும். மேலும் நமது செல்லப் பிராணிகளான பூனைகள் மற்றும் நாய்க்குட்டிகள் படுத்து உறங்குவதற்கு மிகவும் விரும்புவது குஷன் வசதி கொண்ட தொந்திகளையே.

பாடலாசிரியர் வைரமுத்து கூட,

நீ காற்று நான் மரம்…
என்ன சொன்னாலும் தலையாட்டுவேன்

என்று எழுதிய பாடலில் கீழ்க்கண்டவாறு சில வரிகளை சேர்த்திருந்தால் நன்றாக இருந்திருக்கும்.

நீ பந்தி
நான் தொந்தி
என்ன போட்டாலும் உள்வாங்கிக்கொள்வேன்.

அரசியல்வாதிகளில் பலர் தொந்தியுடன் இருப்பதை நீங்கள் காணலாம். ஏனெனில் ஒருவரது தொந்தியின் அளவிற்கேற்ப அவரது புகழும் வளரும்.

தொந்தியார் குறைந்தால் தொண்டர் குறைவர்.
தொகுதி வளர்க்கும் உபாயம் அறிந்தே
தொந்தி வளர்த்தேன். தொகுதி வளர்த்தேனே.

என்பதே பல அரசியல்வாதிகளின் வேதவாக்கு.

தொந்தி ஏன் சதுரமாக அல்லது செவ்வகமாக இல்லாமல் உருண்டை வடிவத்தில் இருக்கிறது? என்ற வினா பலரது மனதில் எழும்.

தொந்தியானது தத்துவத்தின் சின்னமாகும்.

இந்த உலகமானது தொந்தியைப் போலவே உருண்டை வடிவமானது. இந்த வாழ்க்கையும் வட்ட வடிவமானது. இதை மனிதனுக்கு உணர்த்துவதற்காகவே இயற்கையானது மனிதனின் தொந்தியை உருண்டை வடிவத்தில் படைத்துள்ளது.

ஏழை ஒருநாள் பணக்காரன் ஆவான். பணக்காரன் ஒருநாள் ஏழை ஆவான். இதனை உணர்த்துவதற்காகவே தொந்தியானது அந்த நிலவைப் போல அடிக்கடி தேய்ந்து வளருகிறது.

இவ்வளவு சிறப்புகள் வாய்ந்த தொந்தியை நாம்,

போற்றி வளர்ப்போம்! கண்டதையும் போட்டு வளர்ப்போம்!!

ஜெய் தொந்தி!

(மெயிலில் சுட்டது )

முப்பரிமான சாலை வரைகலை (3D Road Drawing)

2009-06-16T10:49:00.010+05:30

எனக்கு வந்த மெயிலில் நான் ரசித்தவை

(ரொம்ப நேரம் திங்க் பண்ணி பார்த்தும் ஒரு subject ம் கெடைக்கல அதான் )

மறக்காதீர்கள் மறந்தும் இருந்து விடாதீர்கள் நமது சின்னம்....

மிகையான கூச்சம் (shyness)

2009-06-13T12:16:00.007+05:30

மிகையான கூச்சம் (shyness)

இந்த மிகையான கூச்ச சுபாவத்தினால் பாதிக்கப்பட்டவர்களில் உங்களில் ஒருவராகவோ இல்லை உங்களை சார்ந்தவராகவோ நிச்சயம் பார்த்திருப்பீர்கள் .

இதனால் முன்பு மனம் பாதித்தவன் (இப்போ கொஞ்சம் மாறியிருந்தாலும் சில சமயங்களில் கட்டுப்படுத்த முடியவில்லை ) என்ற வகையில் , (பதிவிட முன் அனுபவம் இல்லாததால் தவறாக இருந்தாலும் என்னால் முடிந்த ) முதல் பதிவு இடுகிறேன் .

கூச்ச சுபாவம் உள்ளவர்களை மிக எளிதில் அடையாளம் கண்டு கொள்ள முடியும் . உதாரணமாக :-

எப்போதும் தனிமையில் இருப்பது

புதியவர்களிடம் அணுகும் முறை

மற்றவர்கள் தன்னை கேலி செய்வார்கள் என்ற எண்ணம்

தன்னை தானே தரம் தாழ்த்தி நினைப்பது

முக்கியமாக பெண்களிடத்தில் பழகுவதற்கு தயக்கம்

மற்றும் இது போன்று பல குணங்கள் தென்படும்

இத்தனை ஒருவர் தானாக தெரிந்து கொண்டு தன்னை மாற்றிக்கொள்லா விட்டால் அவருடைய வாழ்க்கையே கேள்விக்குறியாக மாறி விடும் .

எனக்கு தெரிந்த மட்டும் வளர்ப்பு முறை மட்டுமே இதற்கு முக்கிய காரணம் . இந்த குணத்தை சிறு வயதிலேயே கிள்ளி எரிய வேண்டும் . குழந்தைகளை மற்ற குழந்தைகளுடன் பேசவும் மற்றும் விளையாடவும் பெற்றோர்கள் கண்டிப்பாக அனுமதிக்க வேண்டும் . சிறு வயதில் இருந்தே அவர்களை வெளி உலகத்தை சிறிது சிறிதாக அறிமுகப்படுத்த வேண்டும் . பெற்றோர்களும் அவர்களிடத்தில் அடிக்கடிபொதுவான விஷயங்களிப்பற்றியோ இல்லை குடும்பத்தை பற்றியோ பேச வேண்டும் .

இது போன்ற சில பழக்கங்களை கடைபிடித்தாலே நம் குழந்தைகை இந்த கூச்ச சுபாவத்தில் இருந்து விடு படுவார்கள் என்பது என் தனிப்பட்ட கருத்து .

இப்படிக்கு

பாதிக்கப்பட்டவன்

குட்டி வால் : இதுதான் என்னுடைய முதல் பதிவு மற்றும் எனக்கு எப்படி blog பண்ண வேண்டும் என்று கூட தெரியாது . அதனால் இந்த பதிவில் இருக்கிற தவறுகளையும் மற்றும் எப்படி பதிவிட வேண்டும் என்ற முறையையும் உங்களிடம் இருந்து எதிர் பார்க்கிறேன் .

நன்றி